புத்திசாலி பெண்கள்

இன்னைக்கு மகளிர் தினமாம் ஊரெல்லாம் ஒரே கோலாகலமா கெடக்கு. அதுக்கென்னடே இப்போன்னு ஏடாகூடமா கேட்டுப்போடாதிய. அப்புறம் ஆணாதிக்கவாதின்னு ஈயம் பித்தளைங்க எல்லாம் கோவிச்சுக்கும்

மகளிர் தினம் கொண்டாடுதாவல்லா..அதான் அவியளுக்காக ஒரு கதயச் சொல்லிட்டு ஓடிடுதேன் கேட்டியளா?

இப்படித்தான் ஒரு தடவை ஒரு ஆணாதிக்க பன்றிக்கும் (இப்படிச் சொன்னாத்தான் பொம்பளையலுக்குப் பிடிக்கும்) ஒரு பெண்ணாதிக்கப் பிசாசுக்கும் (இப்படிச் சொன்னாத்தான் எனக்குப் பிடிக்கும்:-) வாக்குவாதம். வந்துடுச்சு

”எல்லாத்தையும் விடுங்கடே! ஒரு பொம்பளையால ஏதாவது ரகசியத்தைக் காப்பாத்த முடியுமா? சரியான ஓட்ட வாய்ங்க எல்லாம்” என்றார் ஆணாதிக்கவாதி

பிசாசுக்குக் கோப்வம் வந்துடுச்சு பாத்துக்கிடுங்க. “அதெல்லாம் ஒரு மண்ணும் கெடயாது எங்களாலயும் எல்லா ரகசியத்தையும் காப்பாத்த முடியும். உதாரணத்துக்கு எனக்கு 21 வயசானதுலேருந்து என் வயசை இன்னைக்கு வரைக்கும் ரகசியமா வச்சிட்டிருக்கேன் தெரியுமா?” என்று அலட்சியமாவும் ஆவேசமாவும் சொல்லியிருக்கு

உடனே அந்த ஆளு “அதெல்லாம் இன்னும் கொஞ்ச நாளுதான். ஆனா எப்படியும் நீ அந்த ரகசியத்தைச் சொல்லத்தான் போற” அப்படின்னு சொல்லியிருக்கான்

அதுக்கு அந்தப் பொம்பள “ போய்யா போ! 27 வருஷமா ரகசியத்தைக் காப்பாத்துன என்னால இனியும் காப்பாத்த முடியாதா?’ன்னு சிரிச்சுகிட்டே கேட்டாளாம்.

அடேங்கப்பா! பொம்பளைங்கதான் எவ்வளவு புத்திசாலிங்க. மகளிர் தின வாழ்த்துகள்! (இது ஒண்ணுதான் கொறச்சல்)