தசாவதாரம் - இசை வெளியீடு - என் பார்வையில்

** நான்கரை மணிக்கு இருக்கையில் இருக்கும்படி அறிவுறுத்தியது எனக்கு கவிஞர் யுகபாரதி தந்த பிரமுகர்களுக்கான நுழைவுச்சீட்டு. நான்கரை மணிக்குத்தான் வீட்டை விட்டே புறப்ப்ட்டு 5:00 மணிக்கு அரங்கின் உளநுழையும்போதுதான் முக்கியமானவர்கள் நுழையத் துவங்கியிருந்தார்கள்.

** அரங்கின் உள்ளே நுழைவதற்குள் ஏகப்பட்ட கெடுபிடி. இரண்டு நுழைவாயில்களில் உடல் முழுவதும் வருடிய பின்னரே நுழைய அனுமதித்தார்கள்

** நுழைந்த பின்னர் இருக்கை இல்லாமல் பலரும் அவதிப்பட்டுக் கொண்டிருக்க பெரும்பாலான் இருக்கைகளில் 'கமலின் விருந்தினர்' என்ற அடையாளத்தோடு சில நாற்காலிகள் நிரப்பப்படாமல் இருந்தும் அமர முற்ப்டாமல் ஓரமாகச் சென்றமர்ந்தேன்.

** ஐந்து மணிக்கு விழா துவங்குமென்று அறிவிக்கப்பட்டிருந்தும் விழா துவங்கியதென்னவோ 5:50க்குத்தான்

** அரங்கின் பின்புலமாக அழகான 'டிஜிட்டல் பேனர்' கலைச்சுவையோடு அமைக்கப்ப்ட்டிருக்க இரண்டு பெரிய திரைகளில் கமல் ரவிக்குமார் இணைந்து உருவாக்கிய அவ்வை சண்முகி, தெனாலி, பஞ்ச தந்திரம் திரைப்படங்களிலிருந்து பாடல்கள் மற்றும் சில காட்சிகள் திரையிட்டுக் கொண்டிருந்தார்கள்

** மேடையில் இருந்த திரையொன்றில் லேசர் மூலம் நிகழ்ச்சியின் கலந்து கொள்பவர்களின் (meeting of the legends என்றுதான் விளம்பரங்களில் சொல்லியிருந்தார்கள்) முகங்களையும் பெயர்களையும் வரைகலையாகக் காட்டி அசத்தினார்கள். கமலின் படம் வந்தபோது எழுந்த ஆர்ப்பாட்ட ஒலி இதுவரை நான் கேட்டிராதது. (இதுவே இப்படியென்றால் ரஜனிக்கு எப்படியிருக்கும் என்பதை ஊகிக்க முடிகிறது)

** விழாவை தொகுத்து வழங்கினார் ஷோபனா. வயதாக ஆக இளமையாக இருப்பதெப்படி என்பதை அவரிடம் கேட்டு நம் பெண் பதிவர்களுக்குச் சொல்லலாமெனத் தோன்றிய எண்ணத்தை அதோடு மறந்து விட்டேன்

** அவர் ஒவ்வொருவராக அழைக்க தயாரிப்பாளர் ஸ்ரீதர், சோனி நிறுவனத்தின் நிர்வாகி ஸ்ரீதர்,
(முதன்முறையாக தெற்கில் இந்நிறுவனம் வெளியிடும் முதல் இசைத்தகடு இதுதானாம்),ஹேமமாலினி, ஜெயப்பிரதா (உங்களுக்கெல்லாம் வயசே ஆகாதா?), பிசின் போல பச்சென்று ஒட்டிக்கொள்ளும் அழகுடன் அசின், விஜய், மம்முட்டி, அமிதாப் பச்சன்என்று ஒவ்வொருவராக வர ஜாக்கிசான் மட்டும் மல்லிகா ஷெராவத்துடன் கைகோர்த்தவாறேபெரும் ஆரவாரத்துக்கிடையில் அரங்கில் நுழைந்தார். இறுதியாகக் கமல் கைத்தாங்கலாக கலைஞரை அழைத்துக்கொண்டு உள்நுழைய அரங்கம் ஆர்ப்பரித்தது மீண்டும்


** கலைஞரின் நல்ல நேரமோ கெட்ட நேரமோ விழா மேடையில் முன்பு ஸ்ரேயா அரைகுறையாக வந்தார் என்று சர்ச்சை எழுந்தது. இம்முறை மல்லிகா ஷெராவத் அவசரத்தில் ஏதோ கால்சட்டை அணிந்து வந்திருந்தார். நல்ல அழகான கால்கள் அந்த அம்மணிக்கு.

** ரவிகுமார் வரவேற்புரை நிகழ்த்தினார். வழக்கம்போல கமலை 'ஆஹா ஓஹோ'என்று புகழ்ந்து தள்ளிவிட்டு மீதியை வைரமுத்துவின் வரிகளில் பாராட்டுவதாகச் சொல்லி படத்தில் வைரமுத்து எழுதிய பாடல் ஒன்றை வாசித்தார் "உலகநாயகனே, இனி ஐநா உன்னை திரும்பிப் பார்க்கும்" என்று சொல்லி முடித்தார். (வைரமுத்து இப்படி பெரும்நடிகர்களுக்கு முதுகைப் பிறாண்டி பிறாண்டியே பெரிய ஆளாகிவிடுவார் போலிருக்கிறது.அவர்களுக்கும் அது வேண்டியிருக்கிறதென்பது இன்னொரு சோகம்)

** 'பெரிய ஆட்கள் இருக்கும் மேடையில் தான் ஒரு சிறு குருவி" என்று தொடங்கினார் விஜய். இயல்பான நடிப்பை மம்மூட்டியிடம் கற்றுக் கொண்டதாக அவர் சொன்னபோது சிரிப்பை அடக்கப் பெரும்பாடு ப்ட வேண்டியிருந்தது

** "வழக்கமா ஒரு போலிஸ்காரரா நடிக்கணும்னா நாங்க எல்லாம் ஏதாவது போலிஸ்காரங்களைப் பார்த்து அவங்க க்கிட்டயிருந்து கத்துக்குவோம். ஆனா கமல் போலிஸ்காரரா நடிச்சா போலிஸ்காரங்க அதைப் பார்த்து போலிஸ்காரங்க எப்படி இருக்கணும்னு கத்துக்குவாங்க. அதுதான் கமலுக்கும் எங்களுக்கும் இருக்குற வித்தியாசம்.
என்னதான் புத்திசாலி மாணவனா இருந்தாலும் வாத்தியாருக்கு வாழ்த்துச் சொல்ல முடியாது.
அதனால நான் கம்ல் சாரை வாழ்த்த மாட்டேன்" இதுவும் விஜய் பேசியதன் ஒரு பகுதி. கமல் வாத்தியாரு சரி.ஆனா சந்தடி சாக்குல தன்னை புத்திசாலி மாணவன்னு சொல்லிக்கிட்டாரு பாருங்க.. பிழைக்கச் தெரிஞ்சவர்தான்.

** இது பேசும்படம் அல்ல. பேசப்பட வேண்டிய பாம்" என்று சுருக்கமான தமிழில் பேசினார் மம்மூட்டி

** ஹேமமாலினி வணக்கம் சொல்லிவிட்டு ஆங்கிலத்தில் கமலை வாழ்த்தினார். ஜெயப்பிரதாவும் அதே. அஸின் தமிழில் இந்தப் படத்தில் தானிருப்பதே பெரிய விசய்மென்று எல்லா நாயகிகளும் வழக்கமாகப் பாடும் அதே பல்லவியைப் பாடினார்.( எந்த விழாவுலயாவது பல்லவியை மாத்திப் பாடச் சொல்லுங்கப்பா) இராம நாராயணன்

** பச்சன் தனது கணீர் குரலில் தனது முதல் படத்திற்கு விருது கிடைத்தபோது சென்னையில் இருந்ததையும் அந்த விருதை வழங்கியவரே கலைஞர்தான் என்பதையும் நினைவுகூர்ந்தார். கமலின் சிறப்புகளை எடுத்துச் சொல்லி விட்டு சுருக்கமாக முடித்துக் கொண்டார்

** ஜாக்கி சான் அழைக்கப்ப்ட்டபோது மிக உற்சாகமான வரவேற்பு. உண்மையில் மேடையில் யாரேனும் பேசும்போது மற்றவர்கள் அமைதியாக இருக்க ஜாக்கிசான் மட்டும் சிரித்த முகத்துடன் அவ்வப்போது ரசிகர்களோடு சேர்ந்து கைதட்டடிக் கொண்டு உற்சாகமாக இருந்தார்

** வணக்கம் சொல்லி துவங்கியதும் அரங்கம் அதிர்ந்தது. என்னதான் இருந்தாலும் பச்சன் தான் சூப்பர் ஸ்டார். அவரைப் போல இருக்க விரும்புவதாகக் குறிப்பிட்ட்வர் கரினாதி என்று முதல்வரை அழைக்க கலைஞருக்கே அடக்க முடியாத சிரிப்பு

** பெரிய பந்தாவெல்லாம் இல்லாமல் எனக்கு தமிழ் தெரியாது அதனால உச்சரிப்பு எபடின்னு தெரியலை என்று சொல்லிவிட்டு எனக்கு இந்த தயாரிப்பாளரை பல வருடங்களாகத் தெரியும். என்னை அவர் கூப்பிட்டுதான் வந்த்ரிஉக்கேன். அதனால அவருக்கு நன்றி. என்று சொல்லிவிட்டு ரவிச்சந்திரனை சுருக்கி ரவி என்று சொல்வதற்குள் அவர் திணற அரங்கில் சிரிப்பொலி.

** "10 நிமிடம் படம் போட்டு காட்டினார்கள். பார்த்து ரசித்தேன் என்ன சொல்வது? வாவ். வாவ். வாவ்" என்று அவர் வியக்கவும் அரங்கம் அதிர்ந்தது. 'நான் உங்களோடு சேர்ந்து ஒரு ப்டம் செய்யலாம்'னு நினைக்கிறேன் என்று அவர் சொன்னதும் மீண்டும் ஆர்ப்பரிப்பு எழுந்தடங்கியது அரங்கில்

** கமல் தன் பேச்சை இம்முறை எழுதி வைத்திர்ந்ததால் நவீன இலக்கியவாதிகளைப் போல வார்த்தைகளைத் தேடிப் பேசி அவஸ்தைப்படுத்தாமல் இயல்பாகப் பேசினார். இந்தியாவில் சிறந்த கலைஞர்களை வரவழைப்பதென்ற எண்னம் எழுந்ததும் பச்சனைத்தான் தாம் தேர்ந்தெடுத்ததாகவும் சிவாஜி இருந்திருந்தால் அவரைத்தான் அழைத்திருப்பேன் என்றும் சொல்லி தன் சிவாஜி பாசத்தை மீண்டும் வெளிப்படுத்தினார், இரண்டு ஆண்டு கால உழைப்பு நன்றாக வந்திருப்பதாகவும் இனி பட தொடர்பான தகவல்கள் பத்திரிகைகளுக்கு வருமென்றும் சொன்னார்

** கலைஞர் பேசுகையில் படத்தின் ஆரம்பக் காட்சிகளைப் பார்த்துவிட்டு கமலை அப்படியே முத்தமிட்டதாகவும் நல்லவேளையாக அப்போது கமலுக்கு தாடி இல்லையென்றும் கூற அரங்கில் சிரிப்பலை எழுந்தது. இதுவரை பத்திரிகையாளர்களுக்கு படத்தைப் போட்டுக்காட்டவில்லை என்று அவர் சொன்னார் நான் ஒரு பத்திரிகையாளன் என்பதை அவர் மறந்து விட்டார் என்று சொல்ல இம்முறை கமலே அதிர்ந்து சிரிப்பதைப் பார்க்க முடிந்தது

** கமலுக்கும் ஜாக்கி சானுக்கும் என்ன ஒற்றுமை தெரியுமா? இருவரும் 1954இல் பிறந்தவர்கள். ( க்மலுக்கு 54 வய்தாகிவிட்டதா?!! ) கமல் 7/11 இல் பிறந்தவர் ஜாக்கிசான் 7/4 இல் பிறந்தவர். இருவரும் ஏழாம் தேதியில் பிறந்தவர்கள் இருவருக்கும் ஏழுமாதம் வித்தியாசம்" என்று ஏதோ எண் ஜோசியர் மாதிரி பேசிக் கொண்டிருந்தார் முதல்வர். புள்ளி விவரங்களை எப்படி விரல் நுனியில் வைத்திருக்கிறார் பார்த்தாயா என்று வியப்பவர்களூம் இருந்திருப்பார்கள் போல. அதற்கும் கைதட்டல்தான்

** "பிரம்மாண்டம் என்ற சொல்லுக்கு என்ன பொருள் என்று நான் கேட்டறிதிருக்கிறேன். சிலருக்கு எத்ற்கெடுத்தாலும் பிரம்மாண்டம்தான். ஆகவே இந்தப் பிரம்மாண்டம் என்ற சொல்லைக் கேட்டாலே என்க்கு சலிப்பாக இருந்தது. ஆனால் கமல் படத்தில் எனக்குக் காட்டிய ஆரம்பக் காட்சிகளைப் பார்த்தபின் நிச்சயம் சொல்வேன் பிரம்மாண்டம் என்றால் இதுதானென்று" என்று கலைஞர் உள்குத்தோடும் பேசத் தவறவில்லை.

** கமல் பேசி முடித்து கலைஞர் துவங்கியதும் சிலர் எழுந்து போகத் துவங்கினார்கள். ஆனால் கூட்டம் கலைவது தெரிந்ததும் வாசலை இழுத்துப் பூட்டி விட்டார்கள் காவலர்கள். நிகழ்ச்சி முடிந்து ஓரிரு நிமிடங்களுக்குப் பின்னரே வாயில் திறக்கப்பட்டது. (இதுல எல்லாம் காவல்துறை ரொம்பத் தெளிவா இருக்காங்க :-)

** நிகழ்ச்சி துவங்குமுன் படத்திலிருந்து சில காட்சிகளைக் காட்டினார்கள். உண்மையில் தரணி, ரவிவர்மன் இணைந்து மிரட்டியிருக்கிறார்கள். கோபுரத்தின் மேலேறும் கேமரா அபப்டியே கோபுரக் கலசம் தாண்டி கீழிறங்கி நகர்ந்து சென்று மேலேறி யானையின் மீதேறுகிறது. அசத்தலான மிரட்டலான காட்சியாக இருந்தது அது. தொழிநுட்பத்தில் இந்தப் படம் நிச்சயம் பேசப்படுமென்றுதான் தோன்றுகிறது

** ஹிமேஷ் படத்தின் இசையமைப்பாளராம். விமானத்தை கோட்டை விட்டதால் அவர் விழாவுக்கு வரவில்லை. படத்தின் பின்னணி இசையை தேவி ஸ்ரீபிரசாத் செய்திருக்கிறார் மலையாளத்தில் இது வழக்கமென்றாலும் தமிழில் இது கொஞ்சம் புதுசுதான்

** "வழக்கம் போல வைரமுத்து மூன்று முத்தான பாடல்களை நான் எழுதியிருக்கிறேன் இரண்டு வைரமான பாடல்களை வாலி எழுதியிருக்கிரார். ஆக இந்தப் பாடல்கள் எல்லாம் வைரமும் முத்துவுமாக ஜொலிக்கின்றன" என்றார் ஜெயமோகன் ஸ்டைலில்.

** எல்லாம் சரிதான். வைரமுத்து ஒரு பாடல் எழுதியிருக்கிறாராம்
"செப்டம்பர் ஒன்பதில் சரிந்தது ட்வின் டவர்
எப்போதும் சரியாதது என் டவர்" என்று மல்லிகா ஷெராவத்துக்காகப் பாடல் எழுதியிருக்கிறாராம். அப்படின்னா என்னன்னு யாராவது எனக்கு சொல்லுங்கப்பா.