உருப்படியா எழுதுங்கடே!

எனது 300வது பதிவை முன்னிட்டு எனக்கு ஒரு வாசிப்புரை வழங்க வேண்டுமென்று ஹரன் பிரசன்னா அவர்களிடம் கேட்டிருந்தேன் - ஏன்னா அவர்தான் 'உமக்கெல்லாம் இது வேறயாவே?" என்று உடனே மறுக்கக் கூடியவர் என்று தெரிந்திருந்ததால். நினைத்தபடியே, "30 பதிவு விடும்வே. 30 வார்த்தையாவது ஒழுங்கா எழுதியிருக்கீராவே நீரு? இதுல வாழ்த்துரை வேணுமாம்லே. போய் தொலையும்வே!" என்று 'ஆசியுரை' எழுதி அனுப்பி விட்டார். பாருங்க, அப்படி எழுதியும் அவர் இவர் என்று அவருக்கு நான் வழங்கும் மரியாதையை. அதுதான் எனக்கும் அவருக்கும் இருக்கும் வித்தியாசம்.

இப்போது நானூறாவது பதிவை நெருங்கும் வேளையில் இது நினைவுக்கு வந்ததால் குறைந்தது 40 வார்த்தையாவது உருபப்டியா இருக்கட்டுமேன்னு இரவல் வாங்கிப் போட்டிருக்கேன்.

வெற்றிக்கு உதவும் மூன்று வாக்கியங்கள்

அடுத்தவர்களை விட அதிகம் தெரிந்து கொள்ளுங்கள்
அடுத்தவர்களை விட அதிகம் உழையுங்கள்
அடுத்தவர்களிடம் எதிர்பார்ப்புகளைக் குறையுங்கள்

சேக்ஸ்பியர்

நீங்கள் வெற்றி பெற்றால் விளக்கம் சொல்ல அவசியமில்லை. நீங்கள் தோற்றுப் போனால் விளக்கமளிக்க நீங்கள் அங்கு இருக்க அவசியமில்லை

அடால்ஃப் ஹிட்லர்

உங்களை எப்போதும் அடுத்தவர்களுடன் ஒப்பிடாதீர்கள் அவ்வாறு செய்தால் உங்களை நீங்களே அவமானப்படுத்துகிறீர்கள

ஆலன் ஸ்ட்ரைக்


க்ண்ணில் காணும் மனிதர்களையே நம்மால் நேசிகக் முடியாவிட்டால் கண்ணில் காண முடியாத கடவுளை எப்படி நம்மால் நேசிக்க முடியும்?


அன்னை தெரசா

வெற்றி என்பது முதல்வனாக இருப்பதென்று பொருளல்ல.
முன்னர் செய்ததை இன்னமும் தெளிவாகச் செய்திருக்கிறோம் என்றுதான் பொருள்

போனி ப்ளேர்

நான் ஆயிரம் முறை தோற்றதாகக் கருத மாட்டேன்
தோல்விக்கு ஆயிரம் காரணங்கள் இருப்பதைக் கண்டுகொண்டதாகத்தான் நினைப்பேன்

தாமஸ் ஆல்வா எடிசன்

எல்லோரும் உலகை மாற்ற வேண்டுமென்றுதான் நினைக்கிறார்கள் தன்னை மாற்ற வேண்டுமென்று யாரும் முய்ற்சிப்பதில்லை

லியோ தால்ஸ்தாய்

எல்லாரையும் நம்புவது அபாயகரமானது
எவரையுமே நம்பாமல் இருப்பது அதை விட அபாயகரமானது

ஆப்ரஹாம் லிங்கன்